薇不足道-容我娓娓道來

昨天晚上下課後又再趕回家做freelance。

不知不覺，時鐘又跑到1點…心底裡真的很掙扎過這樣的生活。老實說，做freelance可以賺的錢一點也不多，花這麼多時間去做回報這麼小的事情，真的划算嗎?

世界各地的弟兄姊妹相約今天為了眾教會的合一而一同禁食。有見及此，中午時分我約了Lily一同去禱告。由於與Lily的食飯時間不同，平日很少約她一起吃飯。免得每一次也要她遷就我，我會不好意思的。昨天心情極度惡劣，在MSN上跟她講了幾句，今日約她出來祈禱時她寫了一張Post Card給我。其實都己經知道自己唔好，每次有心事都化身一條生魚，游出公海，逃之夭夭…一來是因為接受不到自己好emo，唔想長時間stay係好emo的狀態；二來係唔知怎樣講心中的想法給人知道。說起來每一次有感受，腦海中就會出現：這樣想是否太negative呢?聖經好像不是這樣教導的啊… 即使只是短短數分鐘我已經可以load出大量不同的想法，為免hang機，我通常會先來一個cold boot… 哈哈~ (諸位朋友，真係唔好意思啦…)

實在太長時間沒有Fast了，雖然不是太肚餓，原來都頗疲倦的~

好疲倦~ 昨天晚上打完羽毛波之後回家又做了兩個鐘，想不到自己的身體原來這樣捱得！好野… 早上7點幾便醒了，也許人在作戰狀態中真的可以超出極限。不過勸大家唔好學，總覺得如果成日係咁，命仔會短幾年…

自從上星期五接左單Freelance之後，成日都好緊張。事關有一次接左Freelance之後唔係好認真做，遲左幾日先交貨。搞到個Client一直都沒有再找過我，斷左一條米路添。自那次之後，我便洗心革面；唔夠Quali的job唔做、唔係自己範疇的job不接。有人話我咁做幾有良心喎… 哈哈！希望咁會可以接多幾單freelance啦~

本來星期一要返HKU，Mano又去了上海，乘機偷懶一天。回到家中，看了久違的電視劇，十分滋味。

由於今天約了很久沒見的朋友吃飯，特地做了小餅干。不過，時間不是很充足，樣子有點醜。

星期日同雯雯去左掃樓：睇左好多間cafe，一來日後搵地方食野知道可以去邊；二來希望可以幫到雯雯啦~ 最後我地去左一間好唔掂的Café， 其實我都唔知點解最後會入左呢一間… 裝修求其、燈光不足、雞翼唔好食；不過，我幾欣賞佢杯玫瑰花味咖啡。 我諗雯雯應該係鍾意佢放係sofa後面果把劍啩… 最後臨走的時候，Café那位哥哥話我地知間Café都開左成兩年。我同雯雯都好唔明白點解可以做到咁耐~

每一天也是很忙碌，但是朋友還是要見的。星期四才知道有朋友從日本回來了，心裡暗罵舊同事C為何沒有通知自己… 可惡！幸好他們約星期五搓麻將，在上Jazz之前倒有2個小時可以一起聚舊。 這班舊同事真的很好，雖然我經常是被他們取笑的對象 (討厭的事就別提了…) 雖然我很不喜歡從前的老細，畢竟他把我們湊在一起了，也算做了一件好事呀！

最近好忙，好耐冇返屋企同媽媽食飯。昨天唔洗返HKU，所以返左屋企同爸爸媽媽食飯。我阿爸宜家係工聯會學緊電子琴，所以佢食左飯嗱嗱聲就出左去上堂。自從上次情人節整朱古力比媽媽食之後就好耐冇整過野比佢啦~於是昨天晚上就整左個迷你日式芝士旦糕比佢食。我媽媽好鍾意食芝士嫁！迷你日式芝士旦糕又易整、又好味。正~

見天氣凍凍地，之後我又整左兩碗薑汁撞奶添！不過掛住食，嘻~冇影低佢地添…

星期日完左Sunday之後同Bible Talk去左行山。所謂行山其實係行引水道…不過以我那天的狀態，沒有行紫羅蘭山改為行紫羅蘭山徑都不失為一個好的選擇。一行人14:43到達水塘，沿右邊的引水道一直行至崩崗山的起點，即赤柱附近。完成時大概5點。行到好倦…後來坐巴士落灣仔金鳳飲心愛的無冰奶茶！呼~真是賞心樂事！回到家有感雙腳已經不是自己的了…

星期六同Winnie去左長洲。話說早前收到E-mail話長洲有櫻花睇，我呢D愛花之人當然要去湊個熱鬧。放工後，與Winnie二個人坐船仔去長洲。果度其實好易搵，大概係10分鐘路程。