薇不足道-容我娓娓道來

今年收到的第一份生日禮物是: 利是兩封~ 多謝媽咪~

第二份生日禮物是: 我的低能之道2~ 多謝淨四蚊~

第三份生日禮物, 也是我最期待的: 颱風北冕遠道而來為我賀壽, 賀禮為休假一天~ 哈哈哈~ 多謝神~

今天與同事Y說起年齡的問題

Maysan: 你究竟係邊年出世架? 唔係1979咩?

同事Y: 唔係~ 我係1983年出世架~

Maysan: 1983年? 咁你咪得25歲囉?

同事Y: 係呀~ 到出年，我就會係1984年出世架啦~

Maysan: ......

下個星期我生日，朋友開始問我想去邊食野同埋要咩生日禮物。

今年既生日飯，食咩都得，但全部要係油尖旺、九龍城一帶舉行！事關次次都要我過去對面海，又要我入荃灣。生日飯唔準再約我去港島同荃灣。除非你專車接送啦~ 哈哈哈~

不過如果係去以下呢個餐廳，我都可以考慮下過海既~ 話說呢間係一間食kosher猶太菜既餐廳，我都真係幾想去試下~

http://www.openrice.com/restaurant/sr2.htm?shopid=3078

另外一個要求係要有甜品食~ 我最鍾意食既甜品係心太軟 & Apple Pie~

至於生日禮物呢~ 其實今年我好想收到一個Little My 阿美公仔。上Yahoo HK拍賣找過, 找在Yahoo JP Auction找過，都沒有合心水的。上次係黃埔見到一隻，但再去時已經沒有了~

我又在找Little My阿美的手錶，如果你見到只係得Little My阿美，沒有其他Characters的，麻煩你話聲過我知係邊度有~ 我都係想自己睇過再買~

前陣子有朋友送了Little My阿美的圍裙比我，好開心~ 下次我去日本，要買曲奇布模同Muffin模回來~

最近醉心跳舞，如果你送Little My 阿美毛巾、Little My 阿美水壺比我，我都會好開心架。

另外，好想要我的低能之道<1>&<2>，因為實在太搞笑。每次係書局睇都好開心。

去年有朋友說送<哈爾移動城堡>的vcd比我，最後都係無收到~ 唉~ 連<穿越時空的少女>都出左啦~ 你係咪兩隻碟都送番比我呀? Btw, 如果你送埋<埃及王子>比我，我都唔介意架~ 呵呵呵~

不過最大既生日願望係生日那個星期順順利利，唔好咁多問題，可以準時收工，咁就very good啦~

每一個人對幸福的定義都不一致，對於我來說，幸福在每一秒鐘也不同；正確一點，應說成是每一秒鐘我也可以找到抓住幸福的機會．

星期六下班之後我便步行到旺角．由土瓜灣走出那段路大概要半個小時多一點，但我很喜歡走那段路，因為我可以看到很多樹木．首先是已經長滿葉子的木棉樹，再來是只餘下零星幾朵花朵的洋紫荊及洋啼甲；之後就可以看到一大片紅地氈．一陣風吹來，鳳凰木的花瓣隨風之下，好想伸手去抓；卻連一片也抓不到．．．

終於忍受不了這把溜油的頭髮，跑了去髮型屋。自從有負離子以後，每一年都會做一次，很悶~~~~~~~~~~~~~~~~~

這一次，做出了突破，我燙了髮！！！！！

復活節假期的第三天，跟查經班一起去了踏單車。一途人從大埔出發踏至大尾篤。路程不算很遙遠，而且天氣陰涼，整個旅程還算舒服。

只是到達大尾篤，到處人山人海，還以為自己踏到了旺角市中心…

復活節假期的第一天，我什麼地方都沒有去。懶洋洋的在家中看了一整天的Gundam Seed Destiny。終於明白為什麼大家一談到Gundam Seed Destiny，就破口大罵。然而，不知為什麼，即便如此，你還是甘心看完整套為此…

有朋友說Gundam Seed繼Destiny後還有第三集…究竟還有什麼可以寫呢？

1月8日(星期日)是一年一度的長者希望日. 一如以往, 數名義工負責一個小房子, 幫助公公婆婆們在農曆新年來臨之前翻新一下家居.

這年服務的地方是牛頭角下邨, 我們早上10時到義工支援中心領取所需的物資便浩浩蕩蕩的去到公公婆婆的家.